Ո՞վ կարող է դիմել
Ֆիզիկական և իրավաբանական անձինք
Ներկայացվող պահանջները
- Գյուղատնտեսական տեխնիկան հաշվառելու համար պարտադիր է գրանցված լինել ՀՀ-ի որևէ հասցեում։
- Գյուղատնտեսական տեխնիկայի սեփականատերերը պարտավոր են տեխնիկան ձեռք բերելուց հետո Հայաստանի Հանրապետության կառավարության սահմանած կարգով` 15-օրյա ժամկետում, դիմել լիազորված պետական մարմնին` այն հաշվառման վերցնելու համար:
Պահանջվող փաստաթղթերը
- անձը հաստատող փաստաթուղթ (իրավաբանական անձը՝ պետական գրանցման վկայագիր),
- դիմում,
- գյուղատնտեսական տեխնիկայի սեփականության իրավունքը հավաստող փաստաթուղթ(գյուղատնտեսական տեխնիկայի նկատմամբ իրավունքների ծագման, փոփոխման կամ դադարեցման վերաբերյալ սահմանված կարգով կնքված պայմանագրերը, հաշիվ-տեղեկանքները, նոտարի կողմից տրված ակտերը և Հայաստանի Հանրապետության օրենսդրությամբ նախատեսված իրավունքը հաստատող այլ փաստաթղթեր),
- ինքնաշեն գյուղատնտեսական տեխնիկայի հաշվառման դեպքում հիմնական հանգույցների (շարժիչի, ամրաշրջանակի) ձեռքբերման օրինականությունը հաստատող փաստաթղթեր.
- 2-րդ և 3-րդ կետերում նշված փաստաթղթերի բացակայության դեպքում սեփականության իրավունքը հավաստող փաստաթուղթ է համարվում դատարանի վճիռը կամ օրենսդրությամբ սահմանված կարգով նոտարի կողմից վավերացված` սեփականատիրոջ հայտարարությունը,
- գյուղատնտեսական տեխնիկայի հաշվառման համար օրենքով նախատեսված տուրքերի վճարումների անդորրագրերը։
Գյուղատնտեսական տեխնիկայի պետական հաշվառման կարգը
Ծառայությունից հնարավոր է օգտվել ֆիզիկապես՝ նախընտրելի հաշվառման-քննական ստորաբաժանում այցելելու միջոցով։
Ֆիզիկապես այցելելու դեպքում անհրաժեշտ է նախապես ամրագրել այց roadpolice.am հարթակով կամ Earlyone բջջային հավելվածով կամ սպասարկվել «Կենդանի հերթ» ձևաչափով։
Այց ամրագրելիս անհրաժեշտ է նշել այն անձի տվյալները, ով անձամբ ներկայանալու է ընդունելության: Յուրաքանչյուր այցելուի համար անկախ տարիքից անհրաժեշտ է կատարել անհատական հերթագրում։
Սահմանափակ հնարավորություններով քաղաքացիների, ակնհայտ հղի կանանց և տարեցների (75 տարեկանից բարձր) սպասարկումն իրականացվում է արտահերթ:
Ամրագրել այց՝ roadpolice.am
Առցանց հերթագրվելու համար անհրաժեշտ է՝
- նշել ծառայության տարբերակը՝ «Ֆիզիկական անձանց տրանսպորտային միջոցների գրանցում, հաշվառում, վերահաշվառում, այդ թվում՝ առք ու վաճառք»,
- նշել նախընտրելի հաշվառման-քննական բաժինը (ՀՔԲ), անկախ նրանից, թե դիմողը ՀՀ-ում որտեղ է հաշվառված,
- ընտրել հաշվառման օրն ու ժամը,
- մուտքագրել էլեկտրոնային փոստի հասցեն,
- սեղմել «Ամրագրել կտրոն» կոճակը։
Այցի ամրագրումից հետո էլեկտրոնային փոստի հասցեին կուղարկվի կոդ, որի միջոցով հնարավոր կլինի տեղում ակտիվացնել հերթագրումը։
Այց ամրագրելիս անհրաժեշտ է նշել այն անձի տվյալները, ով անձամբ ներկայանալու է ընդունելության: Յուրաքանչյուր այցելուի համար անկախ տարիքից անհրաժեշտ է կատարել անհատական հերթագրում։
Սահմանափակ հնարավորություններով քաղաքացիների, ակնհայտ հղի կանանց և տարեցների (75 տարեկանից բարձր) սպասարկումն իրականացվում է արտահերթ:
Պետական տուրքի վճարման չափը և կարգը
- գյուղատնտեսական ինքնագնաց մեքենաների գրանցման և պետական համարանիշների տրամադրում` 5,000 ՀՀ դրամ (վճարման հաշվեհամար՝ 900005161824),
- գյուղատնտեսական ինքնագնաց մեքենաների կորցրած պետական համարանիշի վերականգնում` 10,000 ՀՀ դրամ՝ (վճարման հաշվեհամար՝ 900005161824),
- տրակտորային կցանքների պետական համարանիշների տրամադրում` 3,000 ՀՀ դրամ՝ (վճարման հաշվեհամար 900005161220),
- տրակտորային կցանքների պետական համարանիշների վերականգնում 6,000 ՀՀ դրամ՝ (վճարման հաշվեհամար՝ 900005161220)
- գյուղատնտեսական ինքնագնաց մեքենաները գրանցելու, վերագրանցելու, հաշվառումից հանելու, ինչպես նաև դրանց գրանցման տվյալների փոփոխության հետ կապված որևէ գործողության կատարում` 500 ՀՀ դրամ` (վճարման հաշվեհամար՝ 900005161527)
Վճարումն իրականացվում է հետևյալ եղանակներից մեկով՝
- E-payments համակարգի միջոցով,
- բաժանմունքում տեղադրված վճարային տերմինալով և POS վճարային տերմինալներով,
- բանկային փոխանցման միջոցով ՀՀ պետական բյուջեի հաշվեհամարներին (եթե բանկային հավելվածում չի ստացվում փոխանցում կատարել այս հաշվեհամարին, ապա անհրաժեշտ է ընտրել «Փոխանցում պետական բյուջե» տարբերակը)։
Նախապես վճարելու դեպքում վճարման անդորրագիրն անհրաժեշտ է ներկայացնել թղթային տարբերակով, քանի որ այն կցվելու է քաղաքացու փաստաթղթերին (էլեկտրոնային եղանակով ներկայացված անդորրագրերը չեն ընդունվում)։
Տրամադրման ժամկետը և կարգը
Փաստաթղթերով ներկայացված և զննման արդյունքներով արձանագրված տեխնիկական տվյալների համապատասխանության դեպքում 3 աշխատանքային օրվա ընթացքում կատարում է հաշվառում, սեփականատիրոջը տրամադրվում է պետական համարանիշ, ստորագրված և կնքված տեխնիկական վկայագիր։
Տեխնիկայի հաշվառման պահանջներին անհամապատասխանության դեպքում 3-օրյա ժամկետում սեփականատիրոջը գրավոր տեղեկացնում է մերժման մասին` նշելով դիմումում նշված տվյալներում և ներկայացված փաստաթղթերում հաշվառման ներկայացված տեխնիկայի զննման գործընթացում հայտնաբերված թերությունները.
Հղում օրենսդրությանը
- «Գյուղատնտեսական տեխնիկայի շահագործման մասին» օրենք 2005 թվականի մայիսի 20։
- ՀՀ կառավարության 2006 թվականի հունվարի 19-ի N 60-Ն որոշում։
- «Պետական տուրքի» մասին ՀՀ օրենք։
Կոնտակտային տվյալներ
Թեժ գիծ՝ +37460-83-83-02
Կայքեր՝
roadpolice.am
Աշխատանքային օրեր և ժամեր
Երկուշաբթի-ուրբաթ՝ 09:00-18:00